Xa está aberto o prazo de inscripción para as actividades da temporada 2021-22 que comenzará en setembro.
A oferta inclúe actividades para menos e adultos.
Este curso recupérase a Campaña de Actividades Acuáticas para Escolares (NATACÓN ESCOLAR) que se ofertará ós Centros Escolares cas condicións Covid.
Tanto na piscina coma no ximnasio manténse un aforo máximo do 40 %
Sentimos comunicarvos a partir do sábado 8 de maio, ca entrada de Padrón no nivel máximo de restriccións, as instalacións deberán pechar mentras se manteña o nivel A que é o máis alto das restriccións.
Esta medida entrou en vigor a pesar de que a Actividade Física foi considerada como Actividade PRIORITARIA.
Recorda que non necesitas realizar ningunha xestión:
– Conxelamos a túa cota.
– Bonificamos todos os servizos pagos e non desfrutados polos usuarios.
– Os cursillistas manterán a súa praza de forma automática.
– Manteremos todos os cursos tal e como están en este momento.
Manteremos informados ós usuários da evolución da situación a través do correo electrónico e das contas de Facebook e Instagram.
Sentimos moito as molestias que se poidan ocasionar.
Moito ánimo a todos !
Comprácenos comunicar que o próximo venres 26 de febreiro reabriremos as instalación. O venres 26 e o sábado 27 poderá facerse uso do Ximnasio. A Piscina poderá utilizarse a partir do luns 1 de marzo para baño libre, cursos, adestramentos…
Poderemos volver a realizar actividade física en un espazo seguro, con moito espazo, control da calidade do aire e grupos moi reducidos.
O horario de apertura será o seguinte:
LUNS A VENRES: De 8.00 a 13.00 e de 15.45 a 21.45 h
SÁBADOS: DE 9.30 A 13.30 e de 17.00 a 20.30 h
As últimas medidas adoptadas polas autoridades para atallar a pandemia propiciada pola covid-19, inclúe o peche das instalacións deportivas na nosa comunidade.
Por iso, vémonos obrigados a pechar a piscina e o ximnasio municipais, dende mañá mércores 27 de xaneiro por un período de tres semanas.
Durante o peche, e ata que se retome a actividade, todas as cotas quedarán conxeladas e todas as prazas manterán a reserva de xeito automático.
Por tanto non será preciso devolver recibos (xa que non se pasarán) nin adiantar os importes das reservas de praza.
Mentres as instalacións non abran de novo, non se cobrará ningún tipo de cota.
Os usuarios que xa solicitaran anteriormente a conxelación por non poder desprazarse dende outros concellos, verán compensados eses días na seguinte mensualidade.
Aproveitamos para desexarte todo o mellor en este momentos tan difíciles.
Non esquezas tratar de facer a actividade física que as túas circunstancias che permitan.
Recibe un cordial saúdo de todos os traballadores das instalacións.
Durante a semana do 14 ó 19 de decembro as nais e pais poderán acceder ás gradas durante os últimos minutos das clases das nenas e nenos.
Para manter o aforo reducido e a distancia de seguridade entre as persoas, só poderá acceder dúas persoas por alumno.
Para adaptarnos á situación producida polas normas tomadas para loitar contra a pandemia Covid, dende o martes 26 de outubro, realizarase un pequeno cambio no horario vespertino.
Adiantamos 15 minutos o horario de apertura e peche das tardes, para quedar do seguinte xeito:
De luns a venres de 16.30 a 22.30 h.
Este cambio non afectará a ningún curso nin actividade.
O horario queda así:
DE LUNS A VENRES:
De: 8.00 a 13.00 e de 16.30 a 22.30 h.
SÁBADOS:
De: 9.30 a 13.30 e de 17.00 a 20.30 h.
Durante o curso 2020-21, non se realizará a Campaña de Natación Escolar.
Para dar opción ós nenos e rapaces que viñan á piscina cos grupos dos colexios, ábrense novos cursos de natación dende as cinco da tarde (17 h)
Para manter a seguridade, os cursos serán aínda máis reducidos, mantendo unha ocupación máxima da instalación durante os mesmos do 22 % (a norma establece 75%)
Xa é posible inscribirse na recepción.
Máis información no tfno. das instalacións: 981 81 16 90
O luns 24 de agosto ábrese o período de matrícula para os cursos da temporada 2020-21 que comenzará en setembro.
A oferta inclúe cursos para menos e adultos.
En todos os cursos realizaranse modificacións para aplicar protocolos de seguridade para evitar a transmisión do Covid-19.
Os cursos de Natación Escolar serán ofertados nos propios centros escolares una vez comenzadas o curso escolar e empezarán en outubro.
Comprácenos comunicarvos que reabriremos as instalacións o vindeiro venres 12 de xuño no horario habitual.
As condicións da apertura están reguladas polo marco normativo da Fase-3 do proceso de desescalada.
Os usuarios e público en xeral poderán desfrutar da piscina e o ximnasio para utilizaciónn por libre. Os cursos recuperaranse próximamente, en canto a situación o permita.
Os usuarios poderán contar con todas as medidas de seguridade e hixiene recollidas nos protocolos correspondentes. Tamén se reforzarán as frecuencias de limpeza de todos os espazos das instalacións.
O aforo limtarase ó 12 % da capacidade (unha reducción maior da que indica a normativa da desescalada, que a fixa en un 75 %) para dispoñer de un espazo moito máis amplo e seguro para cada usuario.
Para maior comodidade, establecerase un sistema mixto de acceso, con e sen reserva:
A reserva non será obrigatoria, aínda que se recomenda para as persosas que desexen asegurar unha hora determinada. Os usuarios que non reserven, poderán acudir á piscina ou ó ximnasio en calquera momento dentro do horario habitual, sempre que haia plazas. Para reservar deberase chamar ó número de teléfono das instalacións (981 81 16 90). Poderase reservar dende o xoves día 11.
Os usuarios deberán levar a mascariña individual que se deberá manter na recepción e nas zonas comúns, e que se quitará para facer a actividade física na piscina ou no ximnasio. Deberán manter a distancia interpersoal, dispoñendo de espazo suficiente e referencias espaciais.
Durante o mes de xuño, compensaranse os días non desfrutados no mes de marzo, co cal non se xirarán recibos ós aboados.
Os cursillistas poderán compensar os días non desfrutados cando se reanuden os cursos, pero os que o desexen, poderán solicitar a devolución da parte proporcional que tiveran pagada.
Esperamos vervos pronto de volta.
Estimado usuario:
Ante todo desexamos que tanto ti como a túa familia vos atopedes ben de saúde e estedes a soportar esta situación o mellor posible.
Como xa conoces, o Goberno deseñou un proceso de desescalada. En esta ruta de normalización, as actividades nos ximnasios comenzarían na Fase 3, que se desenvolverá no mes de xuño, pero non especificou as circunstancias das piscinas.
Por iso, aínda non podemos concretar as datas exactas de apertura. No momento no que teñamos a autorización e unha data concreta, anunciarémolo oportunamente. Polo momento, estamos a traballar para manter as instalacións no mellor estado para a volta, e para que esta se faga cumprindo todas as esixencias de seguridade e hixiene.
Recordámosche que non se cargará ningún recibo ata a reapertura, e que se descontará o periodo que non se puido desfrutar no mes de marzo.
Esperando vernos de novo canto antes, recibe un agarimoso saúdo do equipo de traballadores da Piscina e Ximnasio Municipais.